Ət tez xarab olan ərzaq olduğundan ona mikroblar və bakteriyalar təsir edir; odur ki, bu təsiri azaltmağa imkan verən adekvat tədbirlər görülməlidir. Bununla yanaşı ət məhsulları kəsiləndən istifadə edilənə qədər mikroorqanizmlərin təsirinə açıq şərait vardır. Hər dəfə bir parça ət ələ götürüləndə, kəsiləndə, emal ediləndə, o bakteriyalarla və çirklə təmasda olur. Onun saxlanma müddəti azalır, xarab olma riski artır. Ətin əllə, avadanlıqla, hava ilə, mümkün çirklənmə mənbəyi ilə təmasının minimuma endirilməsi üçün xüsusi tədbirlər görmək lazımdır.

Bir sıra faydalı qaydalar işlənmişdir ki, onlara əməl etməklə ətin təmizliyi qorunur. Məsələn, ət işlətmə anına qədər qablamada saxlanılmalıdır; lazım olan soyutma və uzun müddətli saxlama temperaturu qorunmalıdır. Avadanlıqların, alətlərin və fəhlələrin əllərinin sanitar işlənməsi ətin bir daha çirklənmə şansını azaldır. Yüksək gəlirin açarı – ərzaqların saxlanmasının düzgün təşkilindədir.

1. Əgər temperatur Farenqeyt üzrə 40 dərəcədən azdırsa və anbarda temperatur Farenqeyt üzrə 30-dan 34 dərəcəyədək intervalda dəyişirsə ərzaq öz keyfiyyətini uzun müddət saxlayır.
2. Ərzağın soyuducudan kənarda, məsələn yükləmə platformasında, soyuducu qurğusu olmayan meydançalarda, yaxud doğrama yerində olmamasına nəzarət edin.
3. Ərzaqları ət konteynerlərində hədsiz dərəcədə hündür yığmayın. Onları hava boru xəttindən aşağıda yığın ki, oraya soyuq havanın daxil olmasına əmin olasınız. Ət konteynerini və soyuducuda temperaturu mütəmadi yoxlayın.
4. Ərzaqları tarixlərin kodu üzrə çeşidləyin. Son tarixdən olan ərzaqları konteynerin orta hissəsinə yerləşdirin.
5. Ərzağın hazırlanma tarixinə diqqət yetirin və vaxtı keçmiş mallar barədə sizin kompaniyanın qaydalarına əməl edin.

Farengeyt şkalasından Tselsi şkalasına keçmək üçün nəticə rəqəmdən 32 çıxılır və 5/9 –a vurulur.

Tselsi şkalasından Farengeyt şkalasına keçmək üçün nəticə rəqəmini 9/5-ə vuraraq üzərinə 32 əlavə edilir.