რამდენადაც ხორცი მალფუჭებადი პროდუქტია და მასზე ზემოქმედებას ახდენს მიკრობები და ბაქტერიები, საჭიროა ადექვატური ზომების მიღება მსგავსი ზემოქმედების თავიდან ასაცილებლად. ამასთან, ხორცის პროდუქტები ამგარი ზემოქმედების საშიშროების წინაშეა საქონლის დაკვლის მომენტიდან მის გამოყენებამდე. ყოველთვის, როდესაც ხორცის ნაჭერს ხელში იჭერენ, ჭრიან, ან ამუშავებენ, ის კონტაქტში მოდის ბაქტერიებთან და ჭუჭყთან. შენახვის ვადა მცირდება და გაფუჭების ალბათობა იზრდება. აუცილებელია განსაკუთრებული ზომების მიღება, რათა მინიმუმამდე იქნას დაყვანილი ხორცის კონტაქტი ხელებთან, დანადგარებთან, ჰაერთან და დაბინძურების შესაძლო წყაროებთან.

შემუშავებულია რამოდენიმე წესი, რომელთა დაცვა ხორცის სუფთად შენახვის საშუალებას იძლევა. მაგალითად, რეკომენდირებულია ხორცის შენახვა შეფუთვაში, მისი გამოყენების მომენტამდე; გაყინვის ტემპერატურისა და შენახვის ვადის დაცვა. დანადგარების, ხელსაწყოებისა და მომუშავე პერსონალის ხელების სანიტარული დამუშავება კიდევ უფრო ამცირებს დაბინძურების შესაძლებლობას. მაქსიმალური მოგების გასაღები დევს პროდუქტის შენახვის სწორად ორგანიზებაში.

1. პროდუქტი დიდხანს ინარჩუნებს სასარგებლო თვისებებს 40 გრადუს ფარენგეიტზე დაბალ ტემპერატურაზე, ხოლო საწყობში შენახვის ტემპერატურული შუალედი ვარირებს 30-დან 34 გრადუსამდე, ფარენგეიტის სკალით.
2. ყურადღება მიაქციეთ, რათა პროდუქტი არ დაგრჩეთ მაცივრის გარეთ, მაგალითად, სატვირთო პლატფორმაზე, მაცივრის მოწყობილობების არმქონე ფართობებზე, ან დაფასოების პუნქტში.
3. პროდუქტები არ დააწყოთ ძალიან მაღლა ხორცის კონტეინერში. დააწყეთ ისინი ჰაერის გამტარი მილების ქვემოთ, რათა დარწმუნდეთ, რომ ცივი ჰაერი მიეწოდება. რეგულარულად ამოწმეთ ხორცის კონტეინერი და მაცივრის ტემპერატურა.
4. დაახარისხეთ პროდუქტი თარიღის კოდის შესაბამისად. შენახვის ყველაზე ბოლო ვადის მქონე პროდუქტი მოათავსეთ კონტეინერის უკანა ნაწილში.
5. ყურადღებით შეამოწმეთ პროდუქტის დამზადების თარიღი და დაიცავით თქვენი კომპანიის წესები ნებისმიერ ვადაგასულ პროდუქტთან მიმართებაში.

ფარენგეიტის სკალიდან ცელსიუსის სკალაზე გადასასვლელად, საწყის ციფრს გამოაკელით 32 და გაამრავლეთ 5/9-ზე.

ცელსიუსის სკალიდან ფარენგეიტის სკალაზე გადასასვლელად, საწყისი ციფრი გაამრავლეთ 9/5-ზე და დაუმატეთ 32.