Етті міндетті қадағалау – ауыл шаруашылық Министрлігінің бөлімшесі болып табылатын тамақ өнімдерінің қауіпсіздігі және инспекциялық бақылау Қызметінің (FSIS) жұмысы болып табылады. Барлық ет өнімдері сапалылыққа тексеруден өткізілуі тиіс. Оны федеральдық инспекция немесе жеке штаттар инспекторлары өткізеді. Инспекторлар кадрлары Құрама Штаттар Үкіметінің бақылауындағы мемлекеттік оқу орындарында оқудан өтеді. Мемлекеттік жалақыны алған инспекторлар адамдардың тұтынуына арналған бақылаудан өткен өнімдердің жарамдылығына және таңбаланған дәлдігіне, бұрмаланбағандығына, сапалылығына, тазалығына жауап береді. FSIS инспекторлары соярдан бұрын әрбір малды қарап шығады, сосын сою, ұшаны өңдеу, орау, таңбалау және текшелеп жинау процесін бақылайды. Олардың мақсаты – штаттың барлық федеральдық жарғылары мен заңдарының сақталғанына көз жеткізу. Егер сертификаттау өнімнің сапалылығын және оның тұтынуға жарамдылығын растаса, онда инспектор ұшаға, оның негізгі бөліктеріне және өнім салынған қорапшаға сия мөрін қояды.

Ет өнімдерін тексерумен қатар, FSIS инспекторлары әрбір өңдеу кәсіпорындарының санитарлық жағдайына да жауапты. Жұмыс бастауға рұқсаттама беруден бұрын, инспекторлар құрал-жабдықтарға, қоймалық жайларға, құрал-саймандарға тексеру жүргізеді, сондай-ақ қызметкерлердің жеке гигиеналарын да қадағалайды. Олар сапалы өнім алу үшін барлық қажетті жағдайлар жасалғандығына көз жеткізулері керек. Қызметтері федералдық немесе штаттық инспекторлармен мақұлданған, етті өңдеумен айналысатын барлық кәсіпорындар USDA иснпекциясынан өтулері керек. Ол АҚШ Үкіметімен қамтамасыз етіліп, американдық салық төлеушілердің қаржылары есебінен жүргізіледі.

Кесінділер спецификациясы және көтерме сауда

Ұшаларға сапа және пайдалы өнім санатын берумен қатар, Құрама Штаттардың үкіметтік мекемелері ұшаны және ет кесінділерін шабу әдістерін дәл анықтауға және стандарттауға жауапты. Осы әдістердің сипаттамасын және стандарттын дайындауға байланысты еттің шабу және оны одан әрі көтерме сату процесі біршама жеңілдеді, себебі енді процеске қатысушылардың барлығы бір тілде түсінісе алатын және бірыңғай бастапқы нұсқаманы пайдалана алатын болды. Үкіметтік органдармен ресми дайындалған құжаттармен жұмыс істеуге мүмкіндік алды. Сиыр, шошқа және қой еттерінің әрбір кесіндісіне, консерванттармен өңделген және толық дайындалған еттер мен сорпа өнімдері сияқты тиісті сипаттамасымен бірге нөмірлер берілген. Бұл мәліметтер ресми құжатқа - «Ет саудасының белгіленген спецификациясына» (IMPS) енгізілген. Американдық жабдықтаушылардан ет сатып алу процесін жеңілдету үшін, әрдайым «Спецификацияларды» қарау керек.