Құрама Штаттарда шығарылатын жоғары сапалы еттің барлық құндылық қасиеттерін сақтау үшін еттің дұрыс оралуы, оны дұрыс ұстау және текшелеп жинау өте маңызды. Сауатсыз қарау және текшелеп жинау өнімнің жоғары сапасын жоққа шығаруы ықтимал. Ет тез бұзылатын өнім болып табылатындықтан, онымен жұмыс істегенде тек ең озық технологияны пайдалану керек және етті өңдеуге және сақтауға белгіленген уақыт бойынша талап етілетін шектеулерді қатаң сақтау керек.

70-ші жылдардың басында американдық ет индустриясы өңделмеген ұшалар саудасын тоқтатқаннан кейін-ақ, жаңа сойылған еттің сақталу мерзімін ұзартуға және оны бұзылудан сақтауға мүмкіндік беретін орауыштың өзекті мәселе болып табылатындығы түсінікті болды. Жаңа сойылған етті ораудың және сақтаудың қазіргі заманғы әдістері вакуумдық орауышқа негізделген. Вакуумдық орауыш әдетте орташа және аз кесінділер, бифштекстер және ростбифтер үшін қолданылады. Бұл процесте ауа өткізбейтін, қалың иілгіш арнайы ламинатталған қапшықтар пайдаланылады. Сүйексіз ет қапшықтағы ауаны сорып алатын және бекітетін вакуумдық қондырғыға орналастырылады. Кейбір қондырғылар ауаны көмірсутегінің қос тотығының (СО2) өте аз мөлшерімен ауыстыруға қабілетті.